BNG de Ourense :: Últimas novas - Falan as candidatas

Moncho Boán, número 5 da candidatura do BNG por Ourense

bngourense — Sat, 17 Sep 2016 10:45:29 +0200

Son Moncho Boán. Son profesor, recentemente xubilado. A miña actividade no nacionalismo empezou con Erga, no 73, tiven participación na NPG no 74, e a miña vida social transcorreu ligada ao mundo sindical. Tiven diversas responsabilidades tanto na Federación do Ensino da CIG como na Confederación. Participar agora desta candidatura non é máis que unha continuidade natural de cincuenta anos de militancia no nacionalismo nas súas distintas frontes.

Maribel Poisa, enfermeira en Xinzo e número 3 da lista do BNG por Ourense

bngourense — Sat, 10 Sep 2016 07:26:55 +0200

Son Maribel Poysa. Nacín na Coruña, no barrio de Montealto, en 1960. Levo traballando como enfermeira desde 1980. Fun supervisora da UCI no Canalejo e supervisora de área no CHUO. Agora traballo nas Urxencia en Xinzo. Vivo dende hai dezaseis anos en Allariz, onde son concelleira de Benestar Social.

No ámbito da miña responsabilidade municipal, no do benestar, hai moito, moito que facer. Preocúpame a atención aos maiores, pero tamén o aumento de casos de violencia no fogar que teñen que ver coa crise económica.

Rhut Marina Reza Álvarez, vicevoceira en Ourense

bngourense — Wed, 7 Sep 2016 08:06:10 +0200

Vicevoceira do grupo municipal do BNG en Ourense

Área de participación cidadá, turismo e termalismo.
Área de cultura, educación, servizos xerais e seguridade cidadá.
Área de política social, igualdade, sanidade, xuventude e voluntariado.
Área de promoción económica, comercio, facenda e contratación.

Ángel Amaro, activista LGTBI, desempregado e número 4 da lista do BNG ao Parlamento

bngourense — Mon, 5 Sep 2016 03:19:01 +0200

Chámome Ángel Amaro, nacín no ano 1987 no Pereiro, na parroquia de San Martiño. Emigrei con 13 anos cos meus pais a Alacante. Iso foi no 2001. Alí fixen estudos de Socioloxía, ao rematar fixen dous máster. Fun voluntario na Cruz Vermella, estiven no movemento LGTB e noutros movementos sociais vinculados á universidade e aos temas de ensino. Despois tiven unha beca durante catro anos na Universidade, e agora ando cos estudos de doutoramento a distancia. Vivo en Ourense. No Pereiro.

Dinme de alta no Bloque en novembro do 2015, inda que tiña certa relación coa fronte desde setembro de 2013.