Imprimir

"O PLAN ÚNICO É UNHA MEDIDA OBXECTIVA PARA O REPARTO ORZAMENTARIO PARA OS CONCELLOS"

bngourense | 31 de xullo de 2019

A formación nacionalista require un reparto equitativo no que todos os concellos da provincia sairían gañando. Unha oportunidade única na institución provincial coa perda da maioría absoluta do PP.

O deputado provincial do BNG, Bernardo Varela, instou á Deputación de Ourense a facer un reparto xusto e equitativo no Plan Provincial da Deputación de Ourense. No acto estivo arroupado polos alcaldes nacionalistas da provincia e a deputada no Parlamento de Galiza, Noa Presas.

A Deputación de Ourense ten previsto para o ano en curso a colaboración cos concellos a través de varios instrumentos:  Plan Provincial de Cooperación , Plan da Rede Viaria, Plan de emprego, Cooperación via convenio cos concellos, Plan termal, e acción social.

De todos eles, tan so o Plan provincial de emprego e o de acción social son os únicos que se distribúen a todos os concellos, en función de criterios predeterminados de antemán, aínda que discutíbeis. O máis importante, polo montante que supón é o Plan provincial de cooperación, antes cofinanciado polos fondos FEDER e os concellos e agora financiado exclusivamente pola Deputación.

"É preciso que nunha provincia que se está caendo a pedazos, na que a desertización está a ser unha dramática constante, se creen as condicións para que as persoas poidan vivir nunhas condicións dignas, con servizos e infraestruturas do século XXI" sinala o deputado provincial, Bernardo Varela. Para iso, continúa afirmando, "compre que os concellos poidan dispor de recursos" e, dentro da súa autonomía municipal, destinalos a aquilo que consideren perentorio e necesario.

A formación nacionalista insta á Deputación a que nos vindeiros orzamentos se faga un repartos aos concellos da provincia a través dun Plan Único de Investimentos contando cos criterios establecidos pola FEGAMP. Asemade, esixen a dotación nas partidas de Cooperación cos concellos dontadoas de recursos necesarios para modificar as actuais cantidades de reparto.

"Queremos que os recursos públicos se repartan de xeito obxectivo e reponsábel para mellorar as condicións de vida de todas as conveciñas e conveciños" sinala Varela, portavoz do BNG na Deputación de Ourense. Insta tamén ao organismo provincial a facer chegar estes acordos.

Xa Democracia Ourensana, con dous deputados provinciais, no se momento presentara medidas idénticas neste senso. Un reparto equitativo para os concellos da provincia baixo a sinatura dos voceiros de DO e PSOE. Unha oportunidade única na institución provincial coa perda da maioría absoluta do PP.

 

Podes ver este artigo na próxima dirección /articulo/novas/plan-unico-medida-obxectiva-reparto-orzamentario-concellos/20190731110142002359.html


© 2020 BNG de Ourense

Bloque Nacionalista Galego

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: +34981555850
Correo: [email protected]