Novas
GFHOoyRX0AAvxZ_

O BNG pide que o Consello Municipal de Deportes se dirixa á Xunta para reclamarlle solucións ás múltiples eivas existentes no Estadio do Couto pese á reforma levada a cabo recentemente

Desde o Grupo municipal do BNG entenden que a reforma levada a cabo polo Executivo galego e no que se investiron preto de dous millóns de euros, “non resolveu as deficiencias da instalación tal e como xa advertimos no momento de coñecer o proxecto”

Os nacionalistas promoveron este venres, na reunión semanal do CMD, “a necesidade de que se lle traslade á Xunta de Galiza o descontento municipal por unha reforma moi pouco acaída, que deixa moito que desexar e que mesmo xera novos problemas que antes non había”

Ler novas
Rhut Reza, luís Seara e Erea Blanco en rolda de prensa

O BNG advirte que as reclamacións das empresas concesionarias do Concello de Ourense “superan amplamente os 25 millóns de euros”

O Consello Consultivo de Galiza certifica o avanzado polo BNG no mes de xaneiro en relación ás reclamacións económicas da concesionaria do servizo de recollida de lixo ECOURENSE e as cales ascenden a un total de 4.784.661,68 de euros entre 2022 e 2023. No ditame emitido polo Órgano Consultivo, danse por bos os argumentos esgrimidos pola concesionaria e desbótanse os da Asesoría xurídica do Concello

Ler novas
Rhut Reza, Luís Seara, Xosé Manuel Puga e Erea Blanco

O BNG censura a actitude do MITMA e do ADIF ao non reunirse co Concello de Ourense para abordar o proxecto de integración da Alta velocidade en Ourense

Desde a formación nacionalista solicitaron en reiteradas ocasións que o Concello se dirixise a ambas institucións e reclamara unha reunión da comisión de seguimento das obras. En resposta, o Goberno Local ven de facilitarlle ao BNG copia das cartas remitidas no mes de outubro e que a día de hoxe aínda non obtiveron resposta

O BNG de Ourense anuncia que a través dos seus representantes tanto no Congreso dos Deputados coma no Senado, “instaremos ao Estado para que dea unha resposta e se sente a falar co Concello de Ourense pois independentemente de quen o goberne, e desde logo o BNG non é sospeitoso de ser cómplice de Jacome, o que está en xogo é o futuro de Ourense e iso está por riba de calquera outra consideración”

Ler novas
Erea Blanco, Concelleira do BNG no Concello de Ourense

A posta a disposición da UVigo de terreos para a ampliación do Campus e o soterramento da Avda Otero Pedrayo irán ao Pleno do Concello de Ourense deste venres da man do BNG

Desde o Grupo municipal nacionalista entenden que “o Campus de Ourense é unha oportunidade para o desenvolvemento económico, social e demográfico de Ourense polo que as distintas administracións, lideradas polo Concello, deben traballar da man en defensa de toda reivindicación encamiñada á mellora dos servizos públicos e das infraestruturas”

Ler novas
Rhut Reza, Luís Seara e Erea Blanco en rolda de prensa

O BNG denuncia a cesión irregular a terceiros da explotación da cafetería do Xardín Xaponés por parte do actual adxudicatario “incumprindo flagrantemente o contrato de concesión”

Desde o Grupo municipal do BNG denuncian que “da información e dos informes técnicos aos que tivemos acceso, despréndense irregulariedades e incumprimentos do contrato que mesmo chegan á cesión irregular a terceiros da explotación do establecemento”

Na formación nacionalista pregúntanse o motivo polo que o Goberno Local non soamente non actúa para velar polo comprimento do contrato asinado senón que “valida as irregulariedades cometidas polo adxudicatario”

Ler novas

O BNG cualifica de “burla e falta de respecto” que o mesmo día no que se anuncia a paralización do programa comedor sobre rodas alegando aforro de cartos, se anuncie “a bombo e prato” a contratación de orquestras

Rhut Reza: “é indignante e dunha unha falta total e absoluta de respecto e revela a pouca empatía e a pouca sensibilidade do Goberno Local que acaba ademais de escenificar cales son as súas prioridades. Ao tempo que anuncian que deixarán sen comer a persoas vulnerables e dependentes e que con iso aforrarán 90.000 euros, anuncian festas e actuacións musicais dun elevado custe para as arcas municipais”

Ler novas
Rhut Reza, Luís Seara e Erea Blanco en rolda de prensa 25.03.24

O BNG censura o errático proceder do Goberno Local no referido á anulación do capítulo I do Orzamento e esixe “que se concrete cómo se vai resolver un problema de enorme relevancia que o propio Goberno creou”

Segundo a formación nacionalista “a responsabilidade desta chapuza monumental é do actual Goberno, pero non estariamos aquí se non houbera responsabilidade compartida entre os socios daquela PP-DO, quenes, a pesares de advertilos reiteradamente, fixeron caso omiso ás recomendacións dos técnicos, dos Grupos politicos, e dos sindicatos”

Ler novas
Rhut Reza

O BNG urxe solucións ao Goberno Local ante o inminente remate do Servizo comedor sobre rodas previsto para o próximo 27 de marzo e que deixará ás e aos usuarios “sen comer en plena Semana Santa”

Desde a formación nacionalista volven cuestionar a falta de anticipación e de planificación por parte do Executivo local diante do remate da concesión dun Servizo “moi necesario” e piden a adopción dunha solución urxente xa que “o Concello vai deixar sen comer ás e aos usuarios en plena Semana Santa”

Ler novas