O voceiro do grupo provincial do BNG, Bernardo Varela,  ven de solicitar á Deputación de Ourense que se esclareza a localización dos trofeos acadados desde 1959 polo extinto Clube Deportivo Ourense. “Entendemos que ditos trofeos están depositados nalgunha dependencia pertencente á Deputación de Ourense”  indica Varela.

 O palmarés da equipa Ourensá estaría constituido, cando menos, por unha copa federación de Fútbol, un trofeo do Campionato Galego de Afeccionados,  dous trofeos da Fase Autonómica da Copa RFEF, dúas copas Federación, oito trofeos de Terceira División, dous trofeos de Subcampión de Segunda División B, sete trofeos de subcampión de Terceira División, e dous trofeos do torneo amigábel Trofeo Luís Otero.

Así mesmo, e unha vez  clarificada a localización actual dos trofeos do CD Ourense, Varela demanda á Deputación de Ourense que dentro da reforma que se vai acometer  no campo de fútbol do  Couto, se teña en conta unha actuación  para a posta en marcha dunha sala de trofeos, poñendo en valor este legado deportivo nun novo espazo expositivo onde os afeccionados  poidan contemplar os trofeos e éxitos deportivos acadados ao longo de todos os anos de historia do do Clube  Deportivo  Ourense.