O Partido Popular solicitou a realización dun pleno extraordinario para debater sobre a cidade e sobre liñas xerais de actuación no 2013. Ante esta petición o Grupo Municipal do BNG quere facer as seguintes consideracións:

1.- O BNG defende que as administracións locais deben ser, ademais de ferramentas de traballo para mellorar a vida das veciñas, espazos de debate nos que se clarifiquen posicións ideolóxicas e se realicen propostas estratéxicas, por iso estamos de acordo en canta iniciativa se presenta para debater e facer propostas en positivo para a cidade e para a nación.

2.- O BNG considera que o labor de control do goberno pode e debe desenvolverse nos plenos

ordinarios, que teñen una periodicidade mensual, e nas xuntas de área, con periodicidade

semanal na súa meirande parte, sen que iso lle supoña un custo engadido ás arcas do

Concello.

3.- O BNG considera que as propostas estratéxicas para a cidade e @s veciñ@s teñen o seu

espazo nos plenos ordinarios do mesmo xeito que o debate sobre as actuacións do goberno

poden ser debatidas por proposta dos grupos da Corporación Municipal. Esta é a aposta do

BNG, que no marco do programa electoral, e baseándose nas apostas estratéxicas, elabora

mocións que permitan traballar no modelo de cidade que defendemos. Sería desexábel que o

PP aproveitase esas ocasións para presentar propostas e amosar o seu proxecto de cidade, se

é que o ten.

3.- O grupo municipal do BNG utiliza as canles establecidas pola regulación da administración

local para facer un traballo construtivo en beneficio de Ourense, antes desde o goberno e

actualmente na oposición por decisión propia. Así mesmo realiza, dende a posición que ocupa

neste momento, propostas en cada pleno enmarcadas na cidade que o BNG quere para o

futuro baseándose no programa electoral presentado para este mandato.

4.- Non deixa de ser indicativo o momento escollido polo PP para solicitar a realización, cada

mes de xaneiro, dun pleno extraordinario que sirva de informe e control á xestión do goberno

municipal, xustamente cando o labor que leva décadas desenvolvendo na Deputación de

Ourense está sendo cuestionado, incluso desde o ámbito xudicial.

5.- Por todo isto o BNG quere sinalar que todo debate é positivo se a vontade das partes

é realizar propostas construtivas dende as notábeis diferencias ideolóxicas que existen na

corporación municipal. O Grupo Municipal do BNG agarda do Partido Popular neste Pleno de

debate sobre o Concello algo máis que as saídas de tono, insinuacións e faltas de respeto

mostradas nos plenos ordinarios se realmente hai vontade de aportar propostas pola súa parte.

Xaneiro 2013

Grupo Municipal do BNG