VALORACIÓN DO GRUPO PROVINCIAL DO BNG DE OURENSE NA DEPUTACIÓN DE OURENSE DO PRIMEIRO ANO DO MANDATO 2023/2027
Bernardo Varela “A falta de maioría absoluta do PP levouno a cesións en algún dos puntos que históricamente viña reivindicando o BNG na Deputación Provincial de Ourense, con todo dende o BLOQUE entendemos que é preciso dar un salto nas políticas que se veñen desenvolvendo se se quer retomar o pulso das Comarcas Ourensás, e que este territorio non siga na súa longa noite de Pedra, provocada por anos de políticas clientelares do Partido Popular.”
Para o grupo provincial do BNG na deputación Ourense, transcorrido un ano do mandato 2023-2027, evidenciase a falta interés pola rexeneración da institución, e do territorio que xestiona, no que a pesar de avances no reparto de fondos ós concellos, froito da febleza organizativa e institucional e un apoio social cada vez máis minado e evidente ao PP de Ourense. Esta liña de reparto equitativo de fondos non foi aplicada o resto de actores da Provincia (asociacións, entidades, ...)
Así atopámonos, sinala o Bernardo Varela voceiro do grupo provincial de Ourense, con cambios no modelo de reparto de fondos do ente provincial que distan aínda do que dende o BNG consideramos debería ser un estandar do século XXI, unhas contas coas que non se pensa compensar os anos de desfeita económica que o PP provocou co seu modelo de reparto aos concellos de Ourense e que nos levou a unha calamitosa situación demográfica, económica e social.
Tamén foi suficiente, continúa sinalando o voceiro nacionalista, un ano de mandato para evidenciar que determinadas prácticas do PP na Deputación sexa de Baltar ou de Menor, se van manter no tempo, así o reflexan os Orzamentos cun gastos de funcionamento que superan o 60% o cal limita a capacidade de actuación por parte da institución. Outro obstáculo é o clientelismo na deputación provincial, que segue en boa medida a estar ó servizo do Partido Popular, como se se tratara dunha extensión das súas filas e non dunha institución pública o servizo dos intereses da cidadanía.
Desde o BNG entendemos que debe mudar a orientación das políticas provincias, que permitan por un lado unha maior autonomía aos Concellos, Entidades e Asociacións. Ao tempo que se prioricen campos de actuación que promovan o desenvolvemento do Territorio, sendo necesario reclamar ante as administracións supraprovincias (Xunta, Estado e Europa) o que en boa medida se nos ten negado o longo dos anos, sen que temble o pulso. “Impulsando políticas activas de aproveitamento en favor da sociedade Ourensá de recursos tan importantes como a enerxía e a posta en valor dos territorios agrícolas e gandeiros abandonados, así como a mellora das infraestructuras e os servizos.”
E nesto botamos de menos unhas políticas verdadeiramente reivindicativas frente o Goberno da Xunta e incluso o do Estado. Sinalou Varela, que indicou que “O BNG seguirá a traballar por un maior protagonismo das comarcas e concellos de Ourense e a xestión dos recursos do territorio en favor dos seus habitantes.”
