Xosé Manuel Puga, deputado provincial do BNG de Ourense, rexistrou unha enmenda aos orzamentos do INORDE que se debaterán na sesión do  mércores 13 novembro. 

 Os nacionalistas propoñen detraer 608.220,00 € da actual proposta de orzamento deste organismo provincial dependente da Deputación de Ourense, para destinalos a investimentos e colaboración da Deputación Provincial de Ourense con entidades públicas e privadas para o desenvolvemento de actividades e accións de dinamización económica e social na provincia de Ourense. 

“Tal e como xa temos manifestado e proposto desde o Grupo Provincial do BNG, e co ánimo de modificar e mellorar a incidencia que o INORDE está a ter sobre o corpo económico da provincia de Ourense e segundo o establecido  no artigo 3 dos vixentes estatutos do INORDE: “ O obxectivo do INORDE é a promoción, desenvolvemento e mellora das condicións económicas e sociais da provincia de Ourense.....” sinalou Puga, o grupo nacionalista propón detraer do capítulo primeiro, 24.000 €; do capítulo segundo 326.220€; do capitulo terceiro 167.000€; e do capítulo cuarto 91.000€ para acadar o montante de  608220€ coa que crear esta nova área ou partida de gasto, para incorporala aos capítulos de gasto segundo e cuarto. 

Desde o grupo nacionalista tamén manifestaron a súa sorpresa por non estar acompañada a documentación aportada do conseguinte estado de execución de gastos do que levamos do ano 2024 e do último trimestre de 2023, que non chegou até última hora da maña de hoxe.  Cuestión esta fundamental para coñecer a execución real do aprobado no ano pasado