Ourense, 11 de xuño de 2026. Na Xunta de Portavoces celebrada esta mañá no Concello de Ourense, as explicacións dadas polo actual Rexedor en relación ao colapso no que ao pagamento a proveedores se refire, non convenceron ao Grupo municipal do BNG. O Portavoz da Formación nacionalista Luís Seara sinala que “a única pretensión do Alcalde, unha vez máis é eludir a súa propia responsabilidade e acusar aos demais da súa incapacidade para xestionar o día a día do Concello”.

E é que para Seara, “non se pode simplificar a situación de colapso e de morosidade pretendendo culpabilizar a un departamento municipal ou a un funcionario” e engade, “ademais de amosar cobardía por parte do Alcalde, os seus argumentos son falsos”.

Desde o BNG argumentan que dito departamento, “ven sufrindo un continuo desmantelamento co traslado constante do seu persoal e a minoración deste, o que dificulta o seu normal funcionamento, algo que desde o Órgano fiscalizador se ven denunciando desde hai anos en diferentes oficios e infomes”.

A maior abastanza, segundo os nacionalistas, “non podemos tampouco obviar como o Goberno de DO vulnera continuamento os procedementos administrativos e de contratación, feito que provoca que as facturas teñan que ser corrixidas, reparadas ou directamente anuladas ao non axustarse ao legalmente establecido, algo que evidentemente retrasa a súa tramitación, engadindo unha carga extra de traballo para o persoal encargado”.

Luís Seara esíxelle ao Alcalde que “deixe de victimizarse e asuma a súa responsabilidade. Se tan preocupado está porque os proveedores do Concello non cobran en tempo e forma, que incremente o persoal do Departamento de Intervención, ao igual que fixo noutros que sí son do seu interese, para que se poida axilizar a tramitación, tendo en conta ademais que pola Intervención Xeral ten que pasar prácticamente toda a actividade municipal”.

Finalmente, desde a Formación nacionalista recrimínanlle a Jácome que asuma a defensa dos intereses dos proveedores mesmo instándoos a acudir á xustiza, coas consecuencias negativas que iso pode implicar para as arcas municipais no que a pagamento de xuros e costas se refire “en vez de defender os intereses da institución e porén da veciñanza no seu conxunto, adoptando todas as medidas e todos os medios necesarios para axilizar a xestión e a tramitación dos asuntos”.