O Voceiro do Grupo Provincial do BNG de Ourense, Bernardo Varela, trasladará ao pleno provincial, unha moción solicitando o apoio da corporación á Iniciativa Lexislativa Popular promovida pola Organización Galega de Comunidades de Montes Veciñais e que un novo marco legal se blinden as liñas mestras da ILP.

 Varela propón un acordo para que Deputación esixa da Xunta un novo marco legal que Blinde a propiedade veciñal  como forma de propiedade distinta da pública e da privada: como forma de propiedade excepcional vinculada á comunidade, non ás persoas en tanto que individuos.

 O voceiro do BNG fai fincapé  na moción que presenta para o seu debate no pleno do día 27 xuño,  en que é  preciso que este novo marco legal para os montes  veciñais incorpore as liñas mestras demandadas polo sector: como reforzar os seu carácter xermánico, a mellora do funcionamento asembleario das comunidades de montes; acadar un monte veciñal multifuncional e sustentábel ao servizo da veciñanza comuneira e a sociedade no seu conxunto; e articular unha fiscalidade axeitada. Tampouco debemos esquecernos, indica Varela, a importancia de  recoñecer os montes veciñais como unha figura de protección medioambiental e cultural en si mesmos. 

Os montes comunais conforman unha titularidade singular de Galiza dado o seu carácter de titularidade xermánica. Porén está previsto a modificación da lei de montes vixente co obxectivo de desnaturalizar os montes veciñais eliminando a súa característica titularidade xermánica para convertelos en titularidade de carácter privado. 

Desde hai xa  unha década estase modificando diversos artigos da lei de montes veciñais e da lei de montes de Galiza e promulgando leis (lei de simplificación administrativa, lei de fomento empresarial) que teñen por obxectivo sacarlle a veciñanza comuneira a xestión das súas terras para entregarllas a terceiros.

 Os montes veciñais e en man común ocupan unha carta parte do territorio galego, o equivalente a o territorio de toda unha provincia. E provincia de  Ourense conta coa metade dos montes veciñais de toda Galiza; e das 512.000 hectáreas de superficie forestal coas que conta Ourense 370.000 hectáreas son de carácter veciñal