Bernardo Varela, voceiro do grupo provincial do BNG de Ourense, volta  propór que a Deputación medie ante o goberno do Estado, a Xunta así como ante as entidades financeiras para garantir horarios axeitados de atención persoal, así como unha rede de caixeiros e oficinas básicas no territorio dunha provincia tan eminentemente rural como a nosas.

O BNG xa presentara en mazo de 2021 unha proposta cunha serie de medidas  para paralizar o peche de oficinas bancarias a redución dos xa mermados servizos financeiros da provincia  e para evitar a destrución de postos de traballo en Ourense que estaba deixando sen cobertura de servizos financeiros básicos a moita veciñanza da nosa provincia, especialmente dañino para os nosos maiores.

Tanto daquelas, como na moción que o BNG presenta ante o pleno da Deputación de Ourense este venres, os nacionalistas  poñen o foco no proceso de concentración e centralización que se está dando no sector bancario, e que nos últimos tempos se está agravando, afirma o voceiro do nacionalista, que sinala ademais como a perda continuada de servizos ten xerado problemas, longas colas  ás entradas das entidades bancarias;  obrigando aos seus usuarios a acometer longos desprazamentos  para realizar unha simple operación, ou converter en dependentes a persoas perfectamente funcionais.

Tal como sinala o voceiro do BNG, todas as medidas que se están tomando dependen do voluntarismo das entidades e que en boa medida veñen motivadas pola presión mediática tras diferentes protestas sociais, pero que nada garante que as tímidas  melloras involucionen unha vez deixe de pórse o foco mediático sobre o problema. 
 

Como podemos observar dende o mes de abril, di Varela, non podemos decir que as demandas acordadas no Pleno tiveran especial eco para as entidades bancarias e os propios Gobernos do Estado e Galego, senón mais ben ao contrario, cunha precarización dos servizos.

Polo que compre actuar con determinación na protección inmediata das persoas, diante do aumento da exclusión financeira e as dificultades de acceso a servizos bancarios presenciais