respecto

Desde o Grupo municipal do BNG entenden que as alegacións presentadas polo Interventor municipal ao expediente de cese/remoción aberto contra el pola Alcaldía, “ratifican o que desde o BNG vimos denunciando desde hai meses, opacidade na xestión, nulo respecto aos procedementos e dilapidación dos cartos públicos”

No referido ao acoso laboral denunciado polo Interventor no seu escrito de alegacións, no BNG teñen claro que “é unha práctica habitual no Concello desde a chegada de Jácome, quen pretende amedrentar ás e aos traballadores que non son funcionais aos seus intereses, o do Interventor non é o único expediente aberto, xa temos unha sentenza condenatoria e os abusos de poder e as descualificacións son constantes”

Segundo denuncian, o Rexedor, acompañado por persoas do seu entorno, “estase adicando a intimidar con moi malas formas a traballadoras dos Servizos Sociais do Concello”, actitude que cualifican como “intolerable”

Desde o BNG amosan todo o seu apoio e solidariedade coas traballadoras e traballadores que nestes días “estanse vendo violentados nos seus propios postos de traballo”

Igualmente fan un chamamento ao PP, “único responsable do que está acontecendo”, para porlle fin a unha situación que “estase volvendo moi perigosa”