Desde a formación nacionalista solicitaron en reiteradas ocasións que o Concello se dirixise a ambas institucións e reclamara unha reunión da comisión de seguimento das obras. En resposta, o Goberno Local ven de facilitarlle ao BNG copia das cartas remitidas no mes de outubro e que a día de hoxe aínda non obtiveron resposta

O BNG de Ourense anuncia que a través dos seus representantes tanto no Congreso dos Deputados coma no Senado, “instaremos ao Estado para que dea unha resposta e se sente a falar co Concello de Ourense pois independentemente de quen o goberne, e desde logo o BNG non é sospeitoso de ser cómplice de Jacome, o que está en xogo é o futuro de Ourense e iso está por riba de calquera outra consideración”

Desde a formación nacionalista sinalan que levan anos reclamándolle ao Goberno Local a convocatoria da Comisión de seguimento

Pese á caducidade do Convenio e tendo en conta a predisposición amosada por ADIF a manter dito encontro, reclaman que desde o Concello se lidere dita reunión para “pór negro sobre branco e clarexar todo o que está acontecendo coa integración do AVE e coa estación intermodal de Ourense”

Desde a formación nacionalista defenden, ao igual que a veciñanza e os técnicos consultados, que ao non iniciarse aínda as obras, “estamos a tempo de corrixir un proxecto que de executarse tal e como está previsto condenaría ao barrio ao seu illamento

A formación nacionalista, a través da deputada por Ourense Noa Presas, ven de rexistrar unha serie de iniciativas na Cámara galega co obxecto de demandar do Goberno do Estado a máxima transparencia e dilixencia nas investigacións das causas dos descarrilamentos producidos en Galiza nos últimos meses e para a realización dunha auditoría integral das vías que discorren polo territorio galego conducente a garantir a súa máxima seguridade e mantemento

A restitución inmediata das liñas suprimidas, e de forma urxente a do Avant Ourense – A Coruña das 06:45h ou a rebaixa de cando menos un 30% do prezo da liña Avant Ourense – Santiago – A Coruña, actualmente un 60% máis cara que as liñas atlánticas son algúns dos puntos de acordo da moción

Con esta iniciativa, desde a formación nacionalista queren denunciar a situación que vive Galiza en canto ao déficit, deterioro e abandono de infraestruturas ferroviarias como consecuencia de decisións arbitrarias e inxustas, adoptadas durante anos polos gobernos español e galego